شمسی توانائی یونٹس کے تعمیری کام میں تیزی

اسلام آباد( نیوز رپورٹر)ملک میں توانائی کی ضروریات کے پیش نظر پاکستان انجینئرنگ کونسل (پی ای سی) نے شمسی توانائی یونٹس کی تعمیر کا کام تیز کر دیا ہے۔ پاکستان انجینئرنگ کونسل کے حکام کے مطابق سولر پاورپینل قائداعظم کے مزار، عبداللہ شاہ غازی کے مزار، بیت المکرم مسجد اور رام مندر پر لگا دئے گئے ہیں جبکہ دیگر مقامات پر پینلز کی تنصیب کا کام جاری ہے ۔ سولر یونٹس کی تعمیر کا یہ پروگرام پی ایم آئی ایس پی کے زیر تحت شروع کیا گیا جس کا مقصد مختلف یونیورسٹیاں، پولی ٹیکنیک اداروں اور عوامی مقامات پر چھ سو واٹ سے پانچ کلو واٹ کے سولرپاور سسٹم لگانا ہے۔

پی ای سی اس سے پہلے پاکستان میں آن گرڈ سولر سسٹن کی تنصیب کر چکی ہے۔ایک سو اسی کلو واٹ کی پیداوار کے حامل دوشمسی توانائی پینلز کو پی ای سی اور پلیننگ کمیشن کی عمارات پر نصب کیا جائے گا۔ ان منصوبے کے لئے پی ای سی کو جاپان انٹرنیشنل کو آپریشن ایجنسی کی معاونت حاصل ہے۔ پی ای سی کی چھ منزلہ عمارت کا پاور سسٹم 2012ءتک مکمل طور پر شمسی توانائی پر منتقل کر دیا جائے گا۔ توانائی کی ضروریات کو پورا کرنے کے لئے ان منصوبوں کی سخت ضرورت ہے۔

http://www.technologytimes.pk/2011/06/11/%D8%B4%D9%85%D8%B3%DB%8C-%D8%AA%D9%88%D8%A7%D9%86%D8%A7%D8%A6%DB%8C-%DB%8C%D9%88%D9%86%D9%B9%D8%B3-%DA%A9%DB%92-%D8%AA%D8%B9%D9%85%DB%8C%D8%B1%DB%8C-%DA%A9%D8%A7%D9%85-%D9%85%DB%8C%DA%BA-%D8%AA%DB%8C/